(Dadaun ne'e ICFP buka hela pesoál atu bele servisu iha ICFP)

Bele hare'e informasaun detallu tuir mai:

🏫 INSTITUTO CATÓLICO PARA A FORMAÇÃO DE PROFESSORES (ICFP)

📍 Rua Central Vila Antiga, Baucau – Timor-Leste

📞 Telemóvel: (+670) 77235433 | PO BOX 249, Dili

📌 INFORMASAUN VAGA:

  • Títulu Serbisu: Dosente

  • Fatin Serbisu: ICFP Baucau

  • Pozisaun: Tempu Inteiru (Full time) ho durasaun ba tinan 2

  • Organizasaun: ICFP-Baucau

📖 KONA-BA ICFP NO DESKRISAUN SERBISU:

Instituto Católico para a Formação de Professores ICFP-Baucau, mak Institutu Ensinu Superior ne’ebé iha Vizaun atu fornese formasaun inisiu ne’ebé mak kualidade ba joven sira atu sai professór/a ba ensinu báziku, atu hametin liutan prosesu ensinu no mehi aprendizajen iha munisípiu hotu iha Timor laran tomak.

Ho ninia misaun atu dezenvolve sétor edukasaun iha Timor-Leste liu husi oferese padraun akadémika ne’ebé mak aas hodi garante kualidade graduadu hodi hanorin iha eskola ensinu baziku no serbisu ho eskola no komunidade sira, hadi’a padraun edukasaun no mós “halo peskiza iha edukasaun” no bele halo desizaun loos ba dezenvolvimentu eskola sira iha Timor-Leste, tuir karizma São Marcelino Champagnat.

Ami buka pesoal sira ne’ebé mak dedikadu, iha vontade no komitmentu a’as atu sai dosente hodi hanorin iha ICFP-Baucau. Pesoál ne’ebé mak prontu atu serbisu tuir regras no regulamentu sira ne’ebé estabelese iha ICFP Baucau.

📋 RESPONSABILIDADE:

  • Prepara Planu unidadu.

  • Prepara no kuriji asesmentu sira iha unidade ne’ebé responsabiliza.

  • Hanorin tuir oráriu ne’ebé determina.

  • Orienta estudante iha monografia sira no fó konsellu.

  • Halo supervizaun ba estudante sira iha tempu estajiu.

  • Fahe no partisipa iha workshop sira.

  • Hala’o pilar 3 dosente nian (hanorin, peskiza no serbisu komunidade).

🎓 KUALIFIKASAUN:

  • Mestradu iha área edukasaun; Língua Portuguesa.

  • Sertifikadu rekoñese husi Ministéiru Ensinu Superior Siénsia no Kultura, Timor-Leste.

  • Iha esperiénsia mínimu tinan 2 to’o 3 iha universidade ka iha organizasaun sira ne’ebé fornese formasaun sira.

  • Abilidade ko’alia lian ofisiál Timor-Leste nian, Inglés no Indonésia.

  • Abilidade utiliza komputadór, programa (Word, Excel, PowerPoint, Publisher) inklui abilidade uza aplikasaun aprendizajen sira iha internet.

  • Iha abilidade komunikasaun interpessoal.

  • Komitmentu atu eleva kualidade edukasaun iha ICFP.

📂 DOKUMENTU ATU APLIKA:

  1. Kurrikulu Vitae (CV)

  2. Karta Rekerimentu

  3. Karta Referénsia

  4. Diploma Kursu Mestradu

  5. Bilete Identidade

  6. Kartaun Eleitórál

📩 MANEIRA APLIKA:

  • Bele lori direta dokumentu mai iha resepsaun ICFP nian

  • Bele haruka liu husi email: This email address is being protected from spambots. You need JavaScript enabled to view it.

📋 MANEIRA SELESAUN:

  1. Selesaun Dokumentu

  2. Entrevista

  3. Simulasaun Klase

🗓️ DATA BA APLIKASAUN:

  • Hahú husi data: 03/08/2026 – 14/08/2026

📍 Baucau, 27/Jullu/2026

Aprova Husi:

Ir. Paul Gilchrist

Diretór ICFP